المطعم الكوري اللي رحتهه =)

بسم الله الرحمن الرحيم
السلام عليكم و رحمه الله و بركاتهه
كيفكم آل زين ؟!
و أخيرا بعد مجاغه اختي و بطرنتها و اشياء كثيرهه
رحنا المطعم الكوري !!!! " دانس "
طبعا اختي اقترحت الفكره لانو صحبتها راحت المطعم الكوري
المهم صحينا من بدري 11 قريب 12 و طول الطريق و انا تقريبا نايمه مافيا حتى اتكلم XD~
المهم ضيعنا الطريق لانهه من كل مكان مقفل من الحفريات <~ جدهه و م تفعل <.<
ف النهايهه و آخيرا وصلنا المطعم



و دي اللافته اللي ي دوب باينهه <.<
هو المطعم عباره عن فلهه لونها ابيض و صغير ><"
و كان فيهه زرع زارعينهه جميل و غريب







بعدين دخلنا جوا و كان العمال واحد كوري و الباقين بنقالى و هنود <.<
و كان ف جوا المطعم 2 كورين قاعدين يقولوا طلاسم XD~
صورت كم صوره لشكل المطعم و الطاولات و إلخ






بعدين جابولنا الصحون و الملاعق و الشوك و العيدان ق1 ق1







بعدين نقلنا مكاننا لانه البارتشن صغير و المكان اللي اخذناه م يغطي غيرناه و رحنا لطاولهه كبيرهه هع
+ م قدرت اصور المنيو اختي صورتهه بس المينو بالانجلش و الكوري <.<




دي الاطباق الجانبيهه م طلبناها احنا بس طلبنا الكيمتشي و اختي الهبله قالت تبغى 2 <.< الرجال انفجع قال 2 قالتهه ايوا
و ترا ابدا م يشجع الكيمتشي و مو مرهه طعم ><" الحمدلله ع النعمهه =)
م انصحكم تطلبوا ><"
و ترا مو كل الاطباق الجانبيهه طعمهه ف بعضها م يشجع ><"




جابوا الاكل الكوري اول شيء احنا طلبنا لحم و بيمبياب و شربهه <~ هو المطعم اكل كوري و صيني و ياباني <.<
+ تغاضوا عن يد أختي مهي راضيه تبعد يدها عشانها بتصور <.<



الشربهه انا طلبتها بس مو مرهه قدي كدا + مرهه حارهه ><" هي طعمهه بس م انصحكم تطلبوها <~ اصلا عادي =(




هادا البيمباب لمن جابوا انا انصدمت من البيض لانهه ني ><"
بس صراحهه ترا مرهه طعم و لمن تخلطي مع بعض هو حار يقوم يطلع صور فشششش فششش <~ اتحمست الاخت



و اللحمهه كوم ثاني مره مره مره مره مره طعمهه ق1 ق1 ق1 ق1
حتى ماما اللي م تأكل لحمهه مرهه عجبتها بس الله يعينها لانو اللحمهه تضرها ><"
و اللحمه لمن تأكليها مع الخس تطلع مرهه مرهه طعمهه ق1 ق1
هي من افضل الاطباق اللي دقناها ق1 ق1 ق1



بعدين جابوا صنفين من الاكل الصيني شربهه و الجاجاميون



دا شكل الجاجاميون و احنا لسهه م خلطناهه بس ف البدايهه بس دقت الصلصهه م عجبتني
و بعد م خلطناها و اكلتها مع بعض طلعت مرهه طعمهه ق1 ق1 ق1
و هو برضو من افضل الاطباق اللي دقناها ق1 ق1 ق1



و دي الشربه ماما طلبتها صينيهه برضها طعمهه يعني عادي =\



و آخر شيء الرز اللي ماما طلبتهه برضو صيني
برضو كان طعم =))
بس م اكلت منهه كثير لاني بدأت اشبع و كنت طايحهه ف اللحمه هع ضض2 ضض2



و آخر شيء جابوهه بابايا أو شمام مدري مدري احنا م طلبناهه هما جابوا من عندهم
طبعا صورتهه بعد م اكلنا منهه نسيتت اصورهه ع طول بدأنا نأكل منهه ^^"
بس طعم صراحهه و طريقه التقطيع حلوهه =)

و بس كدا خلصت رحلتنا للمطعم الكوري
مع اننا طلبنا كثير إلا انو م السعر م تجاوز 250 مرهه رخيص =))
و ماما قالت انهه احسن من الصيني هع قالت كل فترهه نروح نأكل منهه =))
ان شاء الله تكونوا جعتوا من الصور <~ كففف
+ ترا الصور متعوب فيها لانو يدي فيها رجفهه طبيعيهه فما تطلع الصوره بسرعهه مزبوطه ><"
بس في امان الله ^^"